प्लेअफमा पुग्ने पहिलो टोली बन्यो गुजरात टाइटन्स
२ वर्षs अगाडि
डायस्पोरा नेपाल
आइपिएलका शीर्ष दुई टोलीबीचको खेलमा गुजरात टाइटन्सले लखनउ सुपर जाइन्ट्सलाई ६२ रनले पराजित गर्दै आफ्नो वर्चस्व प्रमाणित गरेको छ ।
पहिले ब्याटिङ गरेको गुजरात टाइटन्सले लो-स्कोरिङ पिचमा चार विकेट गुमाएर १४४ रन बनाएको थियो । टोलीका लागि ओपनर शुभमन गिलले अविजित ६३ रन बनाए । ४९ बलको आफ्नो पारीमा उनले सात चौका प्रहार गरे । उनी बाहेक डेभिड मिलरले २६ रन बनाए भने राहुल टियोटियाले १६ बलमा अविजित २२ रन बनाए । कप्तान हार्दिक पाण्डेले मात्र ११ रन बनाउन सके ।
गुजरात टाइटन्सका लागि राशिद खानले ३.५ ओभरमा २४ रन दिएर चार विकेट लिए । यो जितसँगै टोली यस सिजन प्लेअफमा पुग्ने पहिलो टोली बनेको छ ।
