राष्ट्रिय सभा उपनिर्वाचनमा भाग लिन ८ वटा दलले आयोगमा दल दर्ता निवेदन
राष्ट्रिय सभा उपनिर्वाचनमा भाग लिन ८ वटा राजनीतिक दलले निर्वाचन आयोगमा दल दर्ता निवेदन दिएका छन्।
आयोगले पुस २५ देखि २८ गतेसम्म दल दर्ता गरिसक्न समय दिएको थियो।
माघ २५ गते हुने राष्ट्रिय सभा उपनिर्वाचनमा नेपाली कांग्रेस, नेकपा एमाले, नेकपा माओवादी केन्द्र, जसपा, राप्रपा, नेकपा एकीकृत समाजवादी, नागरिक उन्मुक्ति र बहुजन शक्ति पार्टीले दल दर्ता निवेदन दिएका हुन्।
स्थानीय तहमा प्रतिनिधित्व रहेका लोसपा र जनमत पार्टीले भने राष्ट्रिय सभा उपचुनावमा भाग लिन दल दर्ताका लागि निवेदन दिएका छैनन्।
लुम्बिनी प्रदेशबाट अन्य समूहतर्फ राष्ट्रिय सभा सदस्य पद रिक्त छ। एक सिटका लागि माघ २५ मा उपचुनाव हुनेछ।
आयोगका अनुसार माघ ११ मा उम्मेदवारहरूको मनोनयन दर्ता कार्यक्रम छ।
राष्ट्रिय सभा उपनिर्वाचनमा प्रदेश सभाका सदस्यहरू तथा स्थानीय तहका प्रमुख तथा उपप्रमुख मतदाता हुन्छन्।
