एनआरएनए पोर्चुगल आसिसी सदस्यमा भिमसेन, अध्यक्षमा रबिन र महासचिवमा राजकुमार विजयी
लिस्बन । गैरआवासीय नेपाली संघ पोर्चुगलको आसिसी सदस्यमा भिमसेन थापा,अध्यक्षमा रबिन अधिकारी र महासचिवमा राजकुमार थापा चुनावी प्रतिस्पर्धामा भारी मतान्तरले विजयी भएका छन् । भिमसेन यसअघि वरिष्ठ उपाध्यक्ष थिए भने रबिन आसिसी सदस्य थिए । राजकुमार पत्रकार हुन् ।
बुधबार राति घोषित नतिजाअनुसार उनीहरु आफ्ना प्रतिस्पर्धीलाइ ठूलो मतान्तरले पराजित गरेका हुन् ।
यस्तै वरिष्ठ उपाध्यक्षमा सिता श्रेष्ठ, महिला उपाध्यक्षमा दिपा काफ्ले तथा उपाध्यक्षहरुमा उमेशकुमार खड्का र दिनेश भण्डारी निर्वाचित भएका छन् । सचिवमा रवि अर्याल र राजेश दुलाल, कोषाध्यक्षमा युवराज खनाल र सह-कोषाध्यक्षमा नविन सापकोटा निर्वाचित भएका छन् ।
त्यस्तै महिला संयोजक सिता ढकाल निर्वाचित भइन् । लेखा संयोजकमा विशाल आचार्य र युवा संयोजकमा प्रकाश अधिकारी लगायत कार्यसमितिका सदस्यहरु यसअघि नै निर्विरोध भएका थिए ।
१६८८ मतदाता रहेकोमा निर्वाचनमा जम्मा १ हजार ५ मत खसेको थियो ।
