युक्रेनमा रुसको आक्रमणमा फक्स न्यूजका क्यामराम्यानको मृत्यु
काठमाडौँ । युक्रेनमा रुसको आक्रमणमा अमेरिकी न्यूज च्यानल फक्स न्यूजका क्यामेराम्यान पियरे जाक्रजेव्स्कीको मृत्यु भएको छ ।
पियरेको युक्रेनको राजधानी कीभ बाहिर रिपोर्टिङ गर्ने क्रममा मृत्यु भएको अमेरिकी नेटवर्कले जनाएको हो ।
राजधानीबाट करिब २० किलोमिटर उत्तर-पश्चिममा रहेको होरेन्कामा सोमबार उनीहरूको गाडीमा आगजनी हुँदा जाक्रजेव्स्कीको मृत्यु भएको थियो र उनका सहकर्मी बेन्जामिन हल घाइते भएका थिए ।
फक्स न्यूजका सीईओ सुजान स्कटले भनेकी छन्- ‘पियरे एक युद्ध-क्षेत्र फोटोग्राफर थिए जसले फक्स न्यूजको लागि इराकदेखि अफगानिस्तानदेखि सिरियासम्म हामीसँगको आफ्नो लामो कार्यकालमा लगभग हरेक अन्तर्राष्ट्रिय कथाहरू कभर गरे । पत्रकारको रूपमा उनको जोश र प्रतिभा अतुलनीय थियो ।’
हाल, ३९ वर्षीय बेलायती संवाददाता, घटनापछि अस्पतालमा उपचाररत छन् ।
यसअघि आइतवार युक्रेनमा एक अमेरिकी पत्रकार ब्रेन्ट रेनाउडको मृत्यु भएको थियो ।
