रुस–युक्रेन शान्ति वार्ता सुरु
३ वर्षs अगाडि
डायस्पोरा नेपाल
काठमाडौँ । युक्रेनमा रुसी सेना प्रवेश गरेको पाँचौं दिनमा दुई देशका प्रतिनिधिमण्डलले युद्ध अन्त्य गर्ने उद्देश्यले वार्ता सुरु गरेका छन् । युक्रेनी राष्ट्रपतिको कार्यालयले तुरुन्त युद्धविराम र रुसी सेना फिर्ता गर्न चाहेको बताएको छ ।
यसैबीच, रुसी वार्ताकार भ्लादिमिर मेडिन्स्कीका अनुसार मस्को दुवै पक्षको हितमा भएको सम्झौतामा पुग्न चाहन्छ ।
बैठक सुरु हुनु अघि, युक्रेनका राष्ट्रपति भोलोडिमिर जेलेन्स्कीले रूसी सेनालाई आफ्नो हतियार छोड्न आग्रह गरे र ईयूलाई युक्रेनलाई तुरुन्तै ब्लकको सदस्यता प्रदान गर्न आग्रह गरे ।
अहिले वार्ता बेलारुस र युक्रेनको सीमा क्षेत्रमा भैरहेको छ ।
