दिल्लीमा सप्ताहन्त कर्फ्यू हटाउने निर्णय
३ वर्षs अगाडि
डायस्पोरा नेपाल
दिल्ली सरकारले सप्ताहन्तमा लगाइएको कर्फ्यू हटाउने निर्णय गरेको छ । तर, रात्रि कर्फ्यू भने जारी रहनेछ ।
सरकारले विद्यालय भने अझै नखोल्ने निर्णय गरेको बिबिसी हिन्दीले जनाएको छ । सरकारले विवाहमा बढीमा २ सय जनासम्म सहभागी हुन दिने निर्णय पनि गरेको छ ।
बार, रेस्टुरेन्ट र सिनेमा हल ५० प्रतिशत उपस्थितिका साथ खोल्न सकिने छ । कोरोना संक्रमितको संख्या बढ्दै गएपछि दिल्लीमा सप्ताहन्तमा कर्फ्यू लगाइएको थियो । तर, अहिले स्थितिमा सुधार आएको छ ।
दिल्लीका स्वास्थ्यमन्त्री सत्येन्द्र जैनले आज दिल्लीमा पाँच हजारभन्दा कम कोरोनाका केसहरू रिपोर्ट हुने बताएका छन् । यसअघि अरविन्द केजरीवालले दिल्लीमा केही प्रतिबन्ध हटाउन सकिने पनि संकेत गरेका थिए ।
