पाकिस्तानका प्रधानमन्त्री इमरान खानले तिरे ९८ लाख कर, आम्दानी बढेको भन्दै बहस
काठमाडौँ । पाकिस्तानका प्रधानमन्त्री इमरान खानले २०१९ मा तिरेको करको विवरण सार्बजनिक भएको छ ।
प्रधानमन्त्री खानले २०१९ मा ९८ लाख कर तिरेको पाकिस्तानको कर एजेन्सी एफबीआरले विवरण सार्वजनिक गरेको हो । सन् २०१९ को कर निर्देशिका अनुसार प्रधानमन्त्री खानको आम्दानी ४.३५ करोड रुपैयाँ रहेको छ । उनले सन् २०१९ मा ९८.५४ लाख कर तिरेका छन् । एफबीआरको सूचीमा दिइएको जानकारी अनुसार प्रधानमन्त्रीको सामान्य आम्दानी ३ अर्ब ८९ करोड रहेको छ भने अनुमानित आम्दानी २२ करोड २१ लाख रहेको छ । उनको कृषि आम्दानी २३.६४ लाख रुपैयाँ रहेको बताइएको छ ।
सन् २०१८ को एफबीआरको रिपोर्ट हेर्दा इमरान खान एनए ९५ सिटबाट संसदमा निर्वाचित हुँदा २ लाख ८२ हजार कर तिरेका थिए । तर २०१७ मा इमरान खानले १.०३ लाख रुपैयाँ आयकर तिरेका थिए ।
एफबीआरले विगत ६ वर्षदेखि सांसदको आयकरको विवरण सार्वजनिक गर्दै आएको छ । गत वर्ष सांसदहरुले तिर्नुपर्ने आयकरका अतिरिक्त एफबीआरले पहिलो पटक उनीहरुको आम्दानी, अनुमानित आम्दानी र कृषि आम्दानीको विवरण पनि सार्वजनिक गरेको हो । अनुमानित कर भन्नाले निश्चित हदसम्म असुली भइसकेपछि कर कटौती गरी सम्बन्धित व्यक्तिको आम्दानी अनुमान गरिने कर हो ।
कर विवरण सार्बजनिक भएपछि प्रधानमन्त्री खानको आम्दानी बढेको प्रति अहिले पाकिस्तानमा तिब्र बहस भैरहेको छ ।
