तोलामा तीन हजार तीन सयले घट्यो सुनको मूल्य
३ हप्ता अगाडि
डायस्पोरा नेपाल
काठमाडौँ, ६ जेठ । स्थानीय बजारमा बुधबार पहेँलो धातुको मूल्य ओरालो लागेको छ ।
नेपाल सुनचाँदी व्यवसायी महासङ्घका अनुसार छापावाला सुन प्रतितोला रु तीन हजार ३०० ले ओरालो लागेको छ ।
मङ्गलबार प्रतितोला रु दुई लाख ९५ हजार ३०० मा कारोबार भएको छापावाला सुन आजका लागि भने प्रतितोला रु दुई लाख ९२ हजारमा कारोबार हुनेगरी निर्धारण गरिएको छ ।
यस्तै, चाँदीको मूल्य तोलामा रु एक सय २५ ले ओरालो लागेको छ ।
मङ्गलबार प्रतितोला रु पाँच हजार ८५ मा कारोबार भएको चाँदी आजका लागि भने प्रतितोला रु चार हजार ९६० निर्धारण गरिएको छ ।
