गोर्खा र एनआरएनए यूके लोगोसहित मैदानमा उत्रिएका जोन राइडरले जित हात पारे
लन्डन । एनआरएनए यूके र गोर्खाली समुदायको प्रतिनिधित्व गर्दै ब्याज लगाएर भिडेका एक व्यवसायिकबक्सरले प्रतियोगिता जितेका छन् । फेब्रुअरी १२ शनिबार लन्डनस्थित अलेक्जेण्डर प्यालेसमा ३३ वर्षीय ब्रिटिश बक्सिङ खेलाडी जोन राइडर ३५ वर्षीय अमेरिकी खेलाडी ज्याकोब बीच भएको भिडन्तमा राइडरले जित हात पारेका हुन् ।
राइडरले अब विश्व च्याम्पियन क्यानेलो अल्भारेज वा जिनेडी गोलोभकिन (त्रिपल जी) संग लन्डन ओटु वा वेम्ली एरिनामा भिड्नेछन् ।
राइडरले सन् २०१० मा व्यवसायिक खेल शुरु गरेसंगै आजसम्म भएका उच्चस्तरीय ३५ प्रतिस्पर्धामा भागलिएका छन् ।
तिमध्ये उनले ३१ फाइटमा जित हासिल गरेका छन् भने ५ वटामा पराजय भोग्नु परेको थियो । उनी विश्वबक्सिङ च्याम्पियनमा नम्बर १ च्याम्पियनको रुपमा पनि परिचित छन् ।
एनआरएनए यूके र गोर्खाली समुदायको प्रतिनिधित्व गर्दै उत्रिएका पूर्व डब्ल्यू. बी. सी. सुपर मिडलवेट च्याम्पियन जोन राइडरले प्रतियोगिता जितेकामा एनआरएनएयूके अध्यक्ष प्रेमगाहामगरले वधाइ दिए ।अध्यक्ष गाहामगरले राइडरले नेपाली र गोर्खा समुदायको पहिचान अन्तर्राष्ट्रिय जगतमा राख्न सफल भएको बताए । उनलाई छिट्टै एनआरएनए यूके कार्यालयमा बोलाएर सम्मान गरिने पनि उनले जनाए । ‘राइडर नेपालीप्रति हुरुक्कै हुनेबेलायती नागरिक हुन् । उनले हामीलाई गरेको देनबाट उनी सम्मानको हकदार छन्’, गाहामगरले भने ।
गाहामगरकै अनुरोधमा राइडरले एनआरएनए यूके तथा गोर्खाको प्रतिनिधित्व गर्दै बक्सिङ खेलेका थिए । गाहामगर राइडरका पूर्व प्रशिक्षक हुन् ।
बक्सिङको संसारमा ‘गोरिल्ला’ भनेर चिनिने जोन राइडर डब्ल्यु। बी. सी. च्याम्पिनयनसिप २०१९ का विजेता हुन्।
विश्वकै एक उत्कृष्ट खेलाडी जोनले यसअघि लस भेगस अमेरिका तथा ओ टु एरिना, लन्डनमा भएका चर्चित बक्सिङ खेलहरुमा एनआरएनए यूके र गोर्खा ब्याज लगाएर खेलेका थिए ।