पत्रकार शिव भण्डारीलाई एनआरएनए युके कार्यवाहक प्रवक्ताको जिम्मेवारी
लन्डन गैर आवासीय नेपाली संघ (एनआरएनए) युकेको कार्यवाहक प्रवक्ताको जिम्मेवारी पत्रकार शिव भण्डारीलाई दिइएको छ । प्रवक्ता भरतमणी चोङ्गबाङ्ग बेलायत नहुदा प्रवक्ताको भुमिका पत्रकार भण्डारीले वहन गर्ने एनआरएनए युकेले बुधबार जनाएको हो ।
मिडिया समितिको आइतबार बैठकमा समितिका प्रमुख चोङ्गबाङ्गले आफु काम विशेषले केहि समयका लागि नेपाल जान लागेको बताए । बैठकले उनको अनुपस्थितिमा संघका मिडिया कोअर्डीनेटर शिव भण्डारीलाई कार्यवाहक प्रवक्ताकोरुपमा तोकेको छ। कार्यवाहक जिम्मेवारी लिएपछि भण्डारीले समितिको बैठक अब हरेक महिना बस्ने बताए।
समितिका प्रमुख संयोजक तथा संघका प्रवक्ता भरतमणी चोङ्गबाङ्गको अध्यक्षतामा आइतबार भर्चुएल बैठकले संघको मुखपत्र ‘एनआरएन भ्वाइस’ नियमित रुपमा प्रकाशन गर्ने पनि निर्णय गरेको छ। कार्य समिति मिडिया विभागले पहिलो १०० दिन अवसर पुरा गरेको अवसरमा ‘एनआरएन भ्वाइस’ स्मारिका प्रकाशन गरेको थियो ।
एनआरएनए युकेको हालै गठित मिडिया समिति (प्रेस तथा पब्लिकेशन विभाग) मा समितिका प्रमुखचोङ्गबाङ्ग, मिडिया कोअर्डीनेटर शिव भण्डारीका साथै सदस्यहरू अमित थेबे, मन्दिप केसी, किरण राइ तथासिर्जना निंग्लेखु एवम् सल्लाहकारमा भगीरथ योगी रहेका छन्।