बेलायतमा ओमिक्रोनको आतंक, एकैदिन १२ हजार संक्रमित
काठमाडौँ । कोरोनाको नयाँ भेरिएन्ट ओमिक्रोनले संसारभर कहर फैलाउन थालेको छ । बेलायतमा आइतवार ८२ हजारभन्दा बढी कोरोनाका केसहरू रिपोर्ट गरिएका छन्, जसमध्ये १२ हजारभन्दा बढी ओमिक्रोन भेरिएन्टका संक्रमित रहेका छन् ।
ओमिक्रोनबाट बेलायतको अवस्था नराम्ररी बिग्रिएको छ । एक दिनमा ओमिक्रोनका १२ हजार भन्दा बढी केसहरू देखिएपछि अवस्था नाजुक बन्दै गएको हो ।
युके हेल्थ सेक्युरिटी एजेन्सीका अनुसार आइतबार बेलायतमा ८२ हजार ८८६ नयाँ कोरोना संक्रमित भेटिएका छन् । तीमध्ये १२,१३३ केस ओमिक्रोनका थिए । बेलायतमा हालसम्म ३७,१०१ ओमिक्रोनका घटनाहरू रिपोर्ट गरिएको छ । तर, बेलायतमा नयाँ कोरोना संक्रमितको संख्यामा कमी आउनु भने राहतको कुरा देखिएको छ । बेलायतमा शुक्रबार मात्र ९३ हजार ४५ र शनिबार ९० हजार ४१८ जनामा कोरोना संक्रमण देखिएको छ ।
बेलायतका स्वास्थ्यमन्त्री साजिद जाविदले नयाँ संस्करण ‘अत्यन्तै छिटो’ फैलिरहेको बताएका छन् । उनले ओमिक्रोन संक्रमितको संख्या धेरै हुन सक्ने आशंका व्यक्त गरे । उनले ओमिक्रोनबाट रिपोर्ट गरिएका केसहरूको संख्या यो भन्दा धेरै हुन सक्छ, किनभने त्यहाँ धेरै व्यक्तिहरू छन् जसले अहिले परीक्षण गराउँदैनन् ।