मेघन मर्केललाई ज्यान मार्ने धम्की

१ वर्ष अगाडि

डायस्पोरा नेपाल

बेलायती राजकुमार ह्यारीकी पत्नी मेघन मर्केलले  ‘घृणित’ खतराहरूको सामना गर्नुपरेको बेलायतका  सबैभन्दा वरिष्ठ पुलिस अधिकारीले बताएका छन् ।  काउन्टर टेररिज्मको प्रमुखको हैसियतमा उनले मेघन मार्कल र उनका पति प्रिन्स ह्यारी विरुद्ध अति दक्षिणपन्थी चरमपन्थीहरूको धम्कीको सामना गर्नुपरेको नील बसुले बताए ।

नीलको यो भनाइ राजकुमार ह्यारीले आफूलाई सुरक्षा खतरा रहेको भन्ने यसअघि गरेको दाबीसँग मेल खान्छ ।  टेलिभिजनकर्मी मेघनले सन् २०१८ मा राजा चार्ल्स तृतीयको कान्छो छोरासँग विवाह गरेकी थिइन् । उनीहरूले सन् २०२० मा शाही जीवन त्यागेर अमेरिका गएका थिए ।

लन्डनको मेट्रोपोलिटन पुलिस सेवाबाट ३० वर्षपछि राजीनामा दिँदै गरेका ५४ वर्षीय बासुलाई मेघनको जीवनमा साँचो खतरा छ कि भनेर सोधिएको थियो। त्यसको जबाफमा उनले ‘बिल्कुल’ भन्दै धम्कीहरूलाई ‘घृणित र वास्तविक’ भनेका थिए ।

© 2022 All Right Reserved DiasporaNepal