युकेमा युक्रेनी शरणार्थीको लागि आवासको योजना शुरु
युके सरकारले युक्रेनबाट आएका शरणार्थीहरुलाई वास उपलब्ध गराउने योजना शुरु गरेको छ जसमा पहिलो पाँच घण्टामा ४३,८०० जनाले निवेदन दिएका छन् ।
आवास तथा समुदायका सचिव माइकल गोभले भने कि युकेले अप्ठ्यारो परिस्थिति तथा जोखिममा परेकाहरुलाई सहयोग तथा समर्थन गरेको इतिहास छ । भीसा स्पोन्सरशिप योजना अन्तर्गत कति युक्रेनीहरु युके छिर्छन भन्ने कुरामा कुनै सीमा हुनेछैन ।
प्रत्येक घरलाई युक्रेनी शरणार्थीलाई राखे वापत प्रति महिना ३५० पाउण्ड अनुदान दिइनेछ जुन करमुक्त हुनेछ । घरवालाहरुले खाना र अरु सुविधाहरु प्रदान गर्नुपर्दछ भन्ने छैन तर तिनीहरु यो छनौट गर्न सक्नेछन् ।
मानिसहरु जसले आफ्नो घरमा भाडा नलिइकन ठाउँ उपलब्ध गराउने वा छुट्टै आवासमा कम्तीमा ६ महिना राख्न चाहन्छन्, उनीहरुले अनलाईनमा रजिष्टर गर्न सक्दछन् ।
तिनीहरु युक्रेनीयन व्यक्तिहरुको भिसालाई शुक्रवारदेखि व्यक्तिगत रुपमा स्पोन्सर गर्न सक्नेछन् । ती प्रारम्भिक आवेदनहरु तिनीहरुले सहयोग गर्न चाहेको युक्रेनियनलाई व्यक्तिगत रुपमा चिनेको कुरामा भर पर्दछ । तर युक्रेनियन शरणार्थीहरु जसको कुनै पारिवारिक सम्बन्ध वा लिंक युकेमा बसेको व्यक्तिसँग छैन, तिनीहरु यो योजना अन्तर्गत बस्न सक्दछन्, गोभले भने ।
उनले अगाडि भने कि स्पोन्सरशिप योजना शुरुमा एकआपसमा चिनेका व्यक्तिहरुको लागि हुनेछ । यो योजनालाई विभिन्न च्यारिटी, समुदायका ग्रुप र चर्चको समर्थनद्धारा अगाडि बढाइनेछ । यसको लागि कुनै टाइम स्केल तोकिएको छैन ।
रसियाको युक्रेनमा आक्रमणको कारणले सिर्जना भएको शरणार्थी समस्यालाई सम्बोधन गर्ने सम्बन्धमा सरकारले आफ्नै संसदहरुबाट समेत आलोचना खेप्नु परेको छ । अहिलेसम्म लगभग ३ मिलियन मानिसहरु युक्रेन छोडेर भागिसकेका छन् जब तीन हप्ता अघि पुटिनले युक्रेनमा आक्रमण गर्ने घोषणा गरे ।
गोभले अगाडि भने कि यो योजना युक्रेनको नागरिक र वासिन्दाहरुको लागि खुला छ तर उनको विभागले पछि यो कुरा पनि प्रष्ट पारेको छ कि वैध व्यक्तिहरु ती युक्रेनियन नागरिक र उनीहरुको परिवारका सदस्यहरु हुुन् जो १ जनवरीभन्दा अगाडि युक्रेनका वासिन्दा थिए ।
स्थानीय परिषदले उनीहरुको सहयोगको लागि प्रति शरणार्थी १०,५०० पाउण्ड अनुदान पाउनेछ जसमा स्कुल जाने केटाकेटी पर्दछन् ।
गोभले भन्दछन् कि युकेको प्रत्येक व्यक्ति युक्रेनका जनताहरुको बहादुरीको लागि उनीहरुको प्रसंसा गर्दछन् र कृतज्ञ छन् ।