बेलायतमा ‘अण्डर एज’का बालिकाहरुसंग ‘सेक्स च्याट’ गर्ने नेपाली गिरफ्तार
लन्डन । सामाजिक संजाल र अनलाइनमा बयस्क नभएका कम उमेरका बालिकाहरु संग यौनजन्य कुरा गरि गरेको आरोपमा एकजना नेपाली बेद खड्कालाई बेलायतमा प्रहरी गिरफ्तार गरेको छ । उनले बालिकाहरु सँग सेक्स च्याट गरेको प्रमाण फेला पारेको भन्दै प्रश्नहरु गरेको भिडियो १४ जनवरीमा एलिट टिमले सार्वजनिक गरेको हो । उनी माथि आफ्नो नग्न तस्विर पठाउने, बालिकाको तस्विर माग्ने र यौन सम्बन्धका लागि घरमा बोलाउने गरेको आरोप लगाइएको छ ।
बेदबहादुर खड्का उर्फ निशान क्षेत्री गत शुक्रबार सेफिल्डबाट प्रहरीले समातेको भिडियो सार्वजनिक गरिएको छ ।
सामुदायिक स्वयंसेवी समूह एलिट टिमले खड्कालाई समातेर प्रहरीसमक्ष बुझाएको श्रव्य दृष्य एलिट टिमले फेसवुक मार्फत सार्वजनिक गरेको हो ।
खड्काले ‘अण्डर एज’ १६ वर्ष मुनीका बालिकाहरु संग ‘सेक्स च्याट’ गर्ने गरेको अस्पष्ट भाषामै स्वीकारेका छन् ।
बेलायतमा १६ वर्ष पुगेपछि आपसी समझदारी भएमात्र यौन क्रियाकलाप गर्न कानूनी छुट छ । यो उमेर अघि यौनसम्बन्धी कुराकानी वा क्रियाकलाप गरे गैरकानुनी मानिन्छ ।