प्रधानमन्त्रीको रेसमा सुनाक अघि
२ वर्षs अगाडि
डायस्पोरा नेपाल
एजेन्सी
बेलायतका पूर्व अर्थमन्त्री ऋषि सुनाकले कन्जरभेटिभ पार्टीको नेता तथा आगामी प्रधानमन्त्री बन्नका लागि गरिएको मतदानको पहिलो चरणमा जीत हासिल गरेका छन् । पार्टी सांसदहरुले गरेको मतदानमा उनले ८८ मत प्राप्त गरेका छन् । उता वाणिज्य मन्त्री पेनी मोर्डेंटले ६७ भोट पाइन् भने विदेश सचिव लिज ट्रसले ५० मत प्राप्त गरिन् ।
अर्थमन्त्री नादिम जहावी र पूर्व सचिव जेरेमी हन्ट प्रधानमन्त्री बन्ने रेसबाट बाहिरिएका छन् । उम्मेदवारहरूले थप एक चरणको मतदानको सामना गर्नुपर्नेछ । यो मतदान बिहीबार हुने बताइएको छ ।
अर्को हप्ताको अन्त्यसम्म यो दौडमा दुई जना उम्मेदवार बच्नेछन् । त्यसपछि १ लाख ६० हजार टोरी सदस्यहरूले कुनै एक उम्मेदवारलाई कन्जरभेटिभ पार्टीका नेता र बेलायतका अर्का प्रधानमन्त्रीको रूपमा चयन गर्नेछन् । ५ डिसेम्बरमा नयाँ प्रधानमन्त्रीको घोषणा हुनेछ ।