नेपाल पत्रकार महासंघ स्थापना दिवस : बिपिन निरौलाको नेतृत्वले विशेष कार्यक्रम आयोजना गर्ने
लण्डन । नेपाल पत्रकार महासंघ बेलायत शाखाले आफ्नो स्थापना दिवस तथा १० औं वार्षिकोत्वस कार्यक्रम मनाउने भएको छ । बिपिन निरौलाको नेतृत्वमा रहेको कार्यसमितिले स्थापना दिवस र १० औं बार्षिकोत्वस कार्यक्रम मनाउन लागेको हो । हरेक बर्ष मे महिनामा नेपाल पत्रकार महासंघले स्थापना दिवस मनाउने गरेको छ । यसै अवसरमा बेलायत शाखाले पनि स्थापना दिवस र १० औं बार्षिकोत्वस बनाउने तयारीमा छ ।
आइतबार अध्यक्ष निरौलाले जारी गरेको बिज्ञप्तिमा स्थापना दिवस र १० बर्षे कार्यक्रम मनाउन सदस्यहरु सँग सुझाब मागिएको छ । बेलायतमा नेपाली पत्रकारितालाई विशेष योगदान दिने अग्रज पत्रकारहरुलाई विशेष सम्मान समेत गरिने विज्ञप्तीमा उल्लेख छ । अर्का अध्यक्ष ध्रुबराज अर्यालको कार्यसमितिको आइतबार नै बैठक बस्न लागेको बताइन्छ । नेपाल पत्रकार महासंघ बेलायतमा समान्तार शाखाहरु संचालनमा छन ।
प्रेस बिज्ञप्ती
आदरणीयअग्रज पत्रकार तथा मित्रहरु,
नेपाल पत्रकार महासंघ बेलायत शाखाको स्थापना दिवस तथा १० औं वार्षिकोत्वस कार्यक्रम भव्य रुपमा मनाउन लागेको सहर्ज जानकारी गराउँन पाउदा खुशी लागेको छ । बेलायतमा नेपाली पत्रकारीतालाइ आजको मितिसम्म ल्याई पुर्याउन बिशेष योगदान गर्नुहुने अग्रज पत्रकारहरुलाई विशेष सम्मान पत्र द्वारा सम्मानित गर्ने र संस्थापकहरुको योगदान उच्च कदर गर्ने कार्यक्रम चाडै तयार गरिने हुनाले यहाँहरुको सल्लाह सुझाब सहितको जबाफ एक साता भित्र इमेल वा फोन मार्फत अपेक्षा गरेका छौ।
यहाँहरुको सल्लाह र सुझाब पछि कार्यक्रमको ढाँचा बनाउने छ।
धन्यबाद।
भवदीय ,
बिपिन निरौला अध्यक्ष नेपाल पत्रकार महासंघ बेलायत
मिति : २७ मार्च २०२२