निर्मल पुर्जाको ‘वियोण्ड पोसिबल’ बुक अमेजन वेस्ट सेलरमा पर्न सफल
लण्डन । विश्व कीर्तिमानी युवा नेपाली पर्वतारोही निर्मल पुर्जा अनुभवमा आधारित वियोण्ड पोसिबल बुक (किताब) अमेजनको वेस्ट सेलर बुकमा पर्न सफल भएको छ । अनलाइन सपिङ वेस्ट सेलरमा परेको जानकारी अमेजनले दिएको हो । उक्त वुक वेस्ट सेलरमा परेको भन्दै पुर्जाले खुसी व्यक्त गर्दै सामाजिक संजालमा समेत सार्वजनिक समेत गरेका छन । उनले आफ्नो बुक अध्ययन गर्नेहरुलाई रिभ्यु लेखिदिन समेत अनुरोध गरेका छन ।
पुर्जाले सन् २०१९ मा ६ महिनाभित्रै विश्वका ८ हजारमाथिका सबै अग्ला १४ हिमालको सफल आरोहण गरेर विश्व किर्तिमान बनाएका थिए ।
सन् २०२० नोभेम्बर १२ देखि विश्वभर विक्री गरिरहेको उक्त बुक हालै वेस्ट सेलरमा परेको हो । निर्मल पुर्जाको उक्त किताब (बुक) अंग्रेजी बाहेक इटालियन, स्पेनिस, पोलिस र रसियन भाषामा समेत छापिएको छ ।
पूर्व गोर्खा सैनिक समेत रहेका म्याग्दीका निर्मल बेलायती महारानीबाट प्रतिष्ठित ‘एमबीई’ पदकले पनि सम्मानित भइसकेका छन् ।