तमु धिं युकेको आयोजना जुन ४ मा गोर्खा कप प्रतिस्पर्धाको तयारी
३ वर्षs अगाडि
डायस्पोरा नेपाल
फाइल तस्विर : मिलन तमु
लण्डन । कोरोना संक्रमणका कारण प्रभावित भएको गोर्खा कप यस बर्ष आगामी जुन ४ शनिवार हुने भएको छ । तमु धिं युकेले आगामी २९ मे आइतबार गोर्खा कप कार्यक्रमको विस्तृत जानकारी सार्वजनिक गर्न लागेको हो ।
बेलायतस्थित नेपालीहरु माझ लोकप्रिय गोर्खा कप प्रत्येक बर्ष तमु धिं युकेले आयोजना गरिरहेको छ । गत बर्ष कोरोनाका कारण गोर्खा प्रभावित भएको थियो । मे महिनाको अन्तिम साता आइतबार गोर्खा कपका बारेमा विस्तृत जानकारी दिने मिडिया सेक्रेटरी एसके गुरुङले बताए ।
उनका अनुसार गोर्खा कपमा पहिलो र दोस्रो हुनेलाई दिइने पुरस्कार राशी र अवार्ड तथा प्रतिस्पर्धामा भाग लिने टिमहरुको बारेमा विस्तृत जानकारी २९ मे आइतबार पत्रकार सम्मेलन मार्फत सार्वजनिक गरिने छ ।