डाटफोर्ड नेपाली समाजको बार्षिक साधारण सभा सम्पन्न
डाटफोर्ड । डाटफोर्ड नेपाली समाज (डिएनसी)ले बार्षिक साधारण सभा आइतबार सम्पन्न गरेको छ । डाटफोर्ड वरपर बसोवास गर्ने नेपालीहरुको स्थानीय संस्था डिएनसीले बार्षिक साधारण सभा, समर वारविक्यु र खेलकुद आयोजना गरि सम्पन्न गरेको हो ।
साधारण सभाले डिएनसी अध्यक्ष लेखनाथ खरेलले राखेको प्रस्ताब र कोषाध्यक्ष पारिजात पाठक राखेको आर्थिक प्रतिवेदनलाई सर्बसम्मत रुपमा पारित गरेको छ । स्थानीय नेपालीहरुको उल्लेख्य उपस्थिति रहेको बार्षिक साधारण सभामा खेलकुदमा बालबालिका र उनका आमा वुवाले उत्साह जनक सहभागिता जनाएका थिए ।
उक्त सहभागीता प्रति अध्यक्ष र सिंगो कार्यसमितिका तर्फबाट लेखनाथ खरेलले धन्यवाद दिए । अध्यक्ष खरेलले खेलकुद संचालनमा स्वयंसेवकको भूमिकामा सहयोग गर्नु हुने सबैलाई संस्थाको तर्फवाट हार्दिक धन्यवाद दिए । खेलकुदमा विजयीहरुलाई आगामी दशैँ तिहार कार्यक्रममा सम्मानित र पुरस्कृत गरिने अध्यक्ष खरेलले जानकारी दिए ।
साधारण सभामा पुरुष एक सय मिटर दौड (सय मिटर दौडमा डा. मुकुन्द बास्तोला बिजयी), पुरुष ५० मिटर एक खुट्टा उचालेर दौड, पुरुष फुटबल प्रतियोगिता र कम उमेर समुहका पुरुष फुटबल प्रतियोगिता भएका थिए । उक्त खेलकुदमा
गजेन्द्र कटुवाल उत्कृष्ट खेलाडी र तिर्थ पौडेल उत्कृष्ट डिफेन्डर भएका थिए । साधारण सभामा बालबालिका तथा महिला बिच स्पुन रेस, बोरा रेस, भाले जुधाई, महिला दौड, म्युजिकल चियर र बिंगोलगायतका खेलहरु खेलाइएको थियो । उक्त खेलकुदको संयोजन बिना पाण्डे र उपाध्यक्ष रुद्र कोइरालाले गरेका थिए ।
यसैबिच फुटबल खेलकुदका क्रममा हातमा चोट लागि घाइते भएका पुर्व अध्यक्ष गजेन्द्र कटुवाललाई स्वास्थ्य लाभको कामना गरिएको छ ।