चीनबाट आउने यात्रुका लागि अमेरिकाले कडा बनायो नियम
अमेरिकाले चीनबाट आउने यात्रुलाई कोरोना परीक्षण नेगेटिभ देखाउन अनिवार्य गरेको छ ।
अमेरिकाले कोभिडको फैलावटलाई नियन्त्रण गर्नका लागि जनवरी ५ बाट चीन, हङकङ र मकाउबाट आउने सबै यात्रुलाई कोरोनाको नेगेटिभ परीक्षण देखाउन अनिवार्य गरिने जनाएको छ ।
अमेरिकी स्वास्थ्य मन्त्रालयले हवाई यात्रा गर्नेहरूले कोरोनाको नेगेटिभ टेस्ट देखाउनुपर्नेछ जुन दुई दिनभन्दा बढी पुरानो नहोस् ।
उडान भर्नुभन्दा १० दिन अघि कोरोना पोजेटिभ आएकाले निको भएको प्रमाण देखाउनुपर्ने पनि बताए ।
चीनले अर्को सातादेखि आफ्नो सीमाना खोल्ने घोषणा गरेको छ । यससँगै चीनमा मानिसहरु विदेश भ्रमणका लागि ठूलो संख्यामा बुकिङ गरिरहेका छन् ।
तर, चीनमा कोरोना संक्रमण बढ्दै गएपछि धेरै देशले चीनबाट आउने यात्रुका लागि नियम कडा बनाएका छन् ।
अमेरिकाबाहेक इटाली, जापान, मलेसिया, ताइवान र भारतले पनि नियम परिवर्तन गरेका छन् ।
तीन वर्षको प्रतिबन्ध पछि, चीनले जनवरी ८ बाट यात्रा नियमहरू खुकुलो घोषणा गरेको छ ।
चीनले कोरोना संक्रमणसँग सम्बन्धित नियम ‘वैज्ञानिक आधारमा’ लिइएको बताएको छ । उनले केही देश र तिनका मिडियाले अवस्थालाई बढाइचढाइ गरेको आरोप लगाएका छन् ।
यसैबीच, बेलायतले यात्रुहरूका लागि परीक्षण सुरु गर्ने वा अन्य कुनै नियम बनाउने योजना नभएको बताएको छ ।