कोरोनाको डरले सर्यो ‘आरआरआर’ रिलिज मिति
३ वर्षs अगाडि
डायस्पोरा नेपाल
निर्देशक एसएस राजामौलीको मेगा बजेटको फिल्म ‘आरआरआर’को रिलिज मिति सरेको छ । यो फिल्म यही जनवरी ७ मा रिलिजको तयारीमा थियो ।
निर्माण पक्षले कोरोना संक्रमणसँगै ओमिक्रोनको संक्रमण दर बढ्दै गएका कारण रिलिज मिति पछाडि सारेको हो । हालसम्म नयाँ मितिको घोषणा गरिएको छैन । यसअघि पनि तमिल, तेलुगू, कन्नड र मलयालमसहित हिन्दी भाषामा रिलिज हुने यो फिल्मको कैयौंपटक रिलिज मिति सरिसकेको छ ।
कोरोनाको तेस्रो लहर सुरु भएपछि भारतको कैयौं सहरका थिएटर बन्द गरिएका छन् भने केही सहरमा कफ्र्यू लगाइएको छ । रणवीर सिंह अभिनित फिल्म ‘८३’ले बक्सअफिसमा सोचेभन्दा कम कलेक्सन गरेपछि फिल्मका निर्माताहरु प्रदर्शनका लागि हच्किएका छन् ।
‘आरआरआर’मा राम चरण, जूनियर एनटीआर, अजय देवगन र आलिया भट्टको अभिनय छ । फिल्मले भारत स्वतन्त्रताको पहिलो वर्ष अर्थात् सन् १९५० आसपासको कथा देखाउनेछ ।