आज नेप्सेमा ११.८२ अंकको गिरावट

१ महिना अगाडि

डायस्पोरा नेपाल

आज मंगलबार नेपाल स्टक एक्सचेञ्ज (नेप्से)मा ११.८२ अंकको गिरावट आएको छ । कारोबार सुरू भएदेखि नै घट्न थालेको नेप्से परिसूचक दोहोरो अंकले घटेर १९ सय २१ अंकमा आएर बन्द भएको हो ।

यसक्रममा नेप्सेमा ३० लाख कित्ता सेयर किनबेच भएर १ अर्ब ५ करोड रुपैयाँ बराबरको कारोबार भएको छ । यस्तै, आज सेन्सेटिभ समूहमा ३.२२ अंकले घटेर ३७२ अंकमा आइपुगेको छ । यस्तै, फ्लोट सूचकमा ०.७५ अंकले घटेर १३२ अंकमा आइपुगेको छ ।

नेप्से परिसूचक घटेपनि आज जीवन बीमा समूह र बैंकिङ समूहमा भने सुधार आएको छ । जीवन बीमा समूह ९६ अंकले बढ्दा बैकिङ समूह ०.२९ अंकले बढेको छ । यसबाहेक, अन्य सबै समूहमा गिरावट आएको देखिएको छ ।

आज सबैभन्दा धेरै निर्जीवन बीमा समूहमा १०९ अंकले घटेको छ । यस्तै, उत्पादनमूलक समूहमा ४८ अंक घटेको छ भने विकास बैंक समूहमा ४३ अंकको गिरावट आउँदा जलविद्युत समूहमा ३६ अंकको गिरावट आएको छ । यससँगै, व्यापार, होटल एण्ड टुरिजम, जलविद्युत, वित्त समूह लगायत सबै समूहमा घटेका छन् ।

यसक्रममा आज सीवाईसी नेपाल लघुवित्त वित्तीय संस्थाको सेयर मूल्यमा सकरात्मक सर्किट लागेको छ । कम्पनीको सेयर ९.९९ प्रतिशतले बढेर प्रतिकित्ता ८७१ रुपैयाँ पुगेको छ । यसक्रममा आज कम्पनीको सेयर प्रतिकित्ता ७९ रुपैयाँ पुगेको छ ।

यसअघि, आइतबार एकै दिन ९४ अंकले बढेको नेप्सेमा हिजो सोमबार २३ अंकको गिरावट आएको थियो । त्यसक्रममा नेप्सेमा झण्डै २ अर्ब रुपैयाँ बराबरको सेयर किनबेच भएको थियो । यस्तै, गत साताको शुक्रबार पनि नेप्सेमा सुधार देखिएको थियो । लगातार दुई दिन बढेयता फेरी नेप्सेमा लगातार दुई दिनको गिरावट देखिएको छ ।

© 2022 All Right Reserved DiasporaNepal