एनआरएन यूके बैठक : कस-कसले पाए जिम्मेवारी ?

१ वर्ष अगाडि

डायस्पोरा नेपाल

लण्डन । गैरआवासीय नेपाली स‌ंघ (एनआरएनए) युकेको नयाँ कार्यसमितिको सोमबार सम्पन्न बैठकले विभिन्न निर्णयहरु गरेको छ ।

अध्यक्ष प्रेम गाहामगरको अध्यक्षतामा अल्डरसटस्थित द पालेसमा बसेको बैठकले शेरबहादुर सुनुवारलाई प्रमुख संरक्षकका रुपमा नियुक्त गर्ने निर्णय गरेको छ । सोको घोषणा भने पहिले नै गरिसकिएको थियो ।

साथै बैठक सन्चालन सम्बन्धी नियमावली तथा आचारसंहिता बनाउने निर्णय गरिएको छ । जसका लागि उपाध्यक्ष नारायण कँडेल संयोजक तथा उपाध्यक्ष रामचन्द्र पोखरेल र महासचिव खुशी लिम्बु सदस्य रहेको कार्यदल बनाइएको छ ।

निवर्तमान कार्यसमितिबाट ६ सेप्टेम्बरभित्र बरबुझारथ गर्न २० अगष्टभित्र अनुरोध पत्र पठाउने र यसमा व्यावसायिक व्यक्ति तथा संस्थाको सहयोग लिइने भएको छ ।

बैठकले प्रवक्तामा भरतमणि चोङवाङलाई तथा श्याम लुईटेल र आवेश राईलाई सदस्य पदमा नियुक्त गरेको छ । साथै क्षेत्रीय, वर्गीय, जातिय प्रतिनिधित्व हुने गरी २५ देखि ३१ जना सल्लाहकार चयन गर्ने र उनीहरुको नाम अर्को बैठकमा पेश गर्ने निर्णय गरेको छ ।

यसैगरी बैठकले महिला विभाग विमला लिम्बु, युवा विभाग तीर्थबहादुर मल्ल अनिल र चेतन राना, आर्थिक विभाग विष्णु खरेल, प्रकाशन तथा प्रसार भरतमणि चोङवाङ, च्यारिटी विभाग गोविन्द खरेल, खेलकुद प्रेम गाहा, व्यापार लगानी प्रवर्धन ज्ञानेन्द्र आले, संघसंस्था समन्वय सुनिलबाबु खड्का र श्याम लुईटेल, धर्म सम्बन्धी ईन्दिरा (सपना) खनियाँ, नागरिकता निरन्तरता मोहन कार्की, भाषा विभाग नारायण कँडेल र सुरेश परियार, कला तथा सँस्कृति शकुन्तला गुरुङ, दैवीप्रकोप तथा आपतकालिन सहयोग बालकृष्ण दाहाल र सुमन शर्मा, गोरखा विभाग प्रेम गाहा, चम्पा थापामगर र भरतमणि चोङवाङ, नेपाल हाउस प्रेम गाहा, सदस्यता रामचन्द्र पोखरेल, एक एनसिसी एक प्रोजेक्ट खुशी लिम्बु, नेपाली खाना प्रबर्धन विष्णु चालिसे र भानुभक्त घिमिरे, अनलाइन सदस्यता आवेश राईलाई जिम्मा दिइएको छ ।

कार्यालय सन्चालनका लागि कार्यसमितिका हरेक सदस्यबाट हरेक महिना २० पाउण्ड डाइरेक्ट डेविट गर्ने निर्णय गरिएको छ । सोको संयोजनको जिम्मा कोषाध्यक्षलाई दिइएको छ ।

© 2022 All Right Reserved DiasporaNepal